- ઇ-સ્ટેમ્પીંગ સર્ટીફિકેટમાં કોમ્પ્યુટરાઇઝડ પધ્ધતિથી એક કોમ્પ્યુટરાઇઝડ યુનીક સર્ટીફિકેટ નંબર જનરેટ થાય છે. આ ઉપરાંત સર્ટીફિકેટ ઇસ્યુ કર્યાની તારીખ અને સમય, ઇસ્યુ કરનાર એજન્સીનું નામ અને પક્ષકારોના નામ તથા મિલકતનું વર્ણન અને સ્ટેમ્પ ડ્યુટીના લાગુ પડતા આર્ટીકલ અને સ્ટેમ્પ ડયુટીની રકમ જેવી વિગતોની કોમ્પ્યુટરાઇઝડ એન્ટ્રી કર્યા પછી આ વિગતો સાથેનું ઇ-સ્ટેમ્પીંગ સર્ટીફિકેટ ઉપલબ્ધ થાય છે. જેથી જુની તારીખોમાં સ્ટેમ્પનું વેચાણ તથા કોરા સ્ટેમ્પનું વેચાણ અશક્ય છે. જેથી છેતરપીંડીની સંભાવના રહેતી નથી.
- ઇ-સ્ટેમ્પીંગ સર્ટીફિકેટ ઉપર આધુનિક ડીજીટલ ટેકનોકલોજીનો ઉપયોગ કરવામાં આવેલ છે તેમાં 2D & 1D Bar Code, Micro printing, Colored Background with Lacey Geometric Flexible patterns and subtle Logo images, Complex Omamental Design Borders, Anti-Copy Text, appearance of Micro Printing Artificial Watermarks and other Overt and Covert Features- જેવી વિશેષતાઓ દ્વારા આ સર્ટીફિકેટ ઇલેકટ્રોનીકલી અને ફીઝીકલી ખુબજ સલામત બનાવવામાં આવેલ છે
- ઇ-સ્ટેમ્પીંગ સર્ટિફિકેટની ચકાસણી ઇ-સ્ટેમ્પીંગ વેબ પોર્ટલ www.shcilestamp.com - પરથી અથવા તો મોબાઈલ એપ્લીકેશન દ્વારા કોઈ પણ વ્યક્તિ કરી શકે છે.
- સૌપ્રથમ ઇ-સ્ટેમ્પ સર્ટિફિકેટ તા.૦૨/૦૨/૨૦૦૭થી તા.૩૧/૦૫/૨૦૧૨ સુધી સાદા "WHITE A-4" સાઇઝ પેપર પર પ્રિન્ટ થતા હતા.
 |
- તા.૦૧/૦૬/૨૦૧૨ થી ઇ-સ્ટેમ્પ સુરક્ષા ચિન્હો સાથેના કલર (ગુલાબી રંગ) વાળા પેપર પર પ્રિન્ટ કરવાનું શરૂ કરેલ છે. તે સર્ટિફિકેટમાં નીચે એક સ્ટેશનરીનો સિરીયલ નંબર છાપેલ હોય છે. આ સિવાય આ સર્ટિફિકેટને UV લાઈટ (પારજાંબલી) લાઈટ હેઠળ જોતાં મહાત્મા ગાંધીજીનું મુખ ચિન્હ તથા SHCIL લખેલું દ્રશ્યમાન થાય છે. આ ઉપરાંત સ્ટેશનરી નંબરની નીચેની તરફ એક આછા લીલા રંગનું લંબચોરસ બોક્ષ આપેલ છે. જે નકલ કરતાં "VOID" શબ્દ દ્રશ્યમાન થાય છે.
તા.૦૧/૦૬/૨૦૧૨ થી રંગીન ઇ-સ્ટેમ્પ
- તા.૦૧/૦૧/૨૦૧૬થી ઉપરોક્ત ઇ-સ્ટેમ્પ પર જમણી બાજુ કેસરી રંગના રેડિયમ ટપકાવાળી નિશાનીઓ મુકવામાં આવેલ છે.
- તા.૦૪/૧૧/૨૦૨૨થી ઉપરોક્ત રંગીન ઇ-સ્ટેમ્પ પેપર વધારાની સલામતી માટે નીચેના સુધારાઓ અમલી કરેલ કે જે ઇ-સ્ટેમ્પના પ્રિન્ટીંગ થતા દ્રશ્યમાન થાય છે.
- સ્ટેમ્પ ડ્યુટીની રકમ સ્ટેમ્પ સર્ટિફિકેટની જમણી બાજુએ ઉપરની તરફ અને ઉભી લાઈનમાં તથા 2D બારકોડની ડાબી બાજુએ દ્રશ્યમાન થાય છે.
- ઇ-સ્ટેમ્પનો કોમ્પ્યુટરાઇઝડ યુનિક "IN - GJ" વાળો નંબર 2D બારકોડની નીચેની બાજુએ નાના થી મોટા અક્ષરોમાં દ્રશ્યમાન થાય છે.
- ઇ-સ્ટેમ્પ સર્ટિફિકેટની ડાબી બાજુએ ઉભી લાઈનમાં સ્ટેમ્પની તારીખ અને સમય દ્રશ્યમાન થાય છે.
- ઇ-સ્ટેમ્પ સર્ટિફિકેટની જમણી બાજુએ ઉભી લાઈનમાં સ્ટેમ્પ ડ્યુટી ચુકવનારનું નામ દ્રશ્યમાન થાય છે.
- તા.૨૧/૦૪/૨૦૨૩થી ઉપરોક્ત ઇ-સ્ટેમ્પ સર્ટિફિકેટમાં જમણી બાજુએ ઉપર 1D બાર કોડ અને ઇ-સ્ટેમ્પનો કોમ્પ્યુટરાઇઝડ યુનિક "IN - GJ" વાળો નંબર દ્રશ્યમાન થાય તેવો સુધારો અમલમાં મુકેલ છે. સબ રજીસ્ટ્રારશ્રીને ઇ-સ્ટેમ્પ લોક કરવા માટે ગરવી સીસ્ટમમાં ઇ-સ્ટેમ્પ નંબર ટાઇપ ન કરવો પડે અને બાર કોડ રીડરથી ઓટોમેટીક ઇ-સ્ટેમ્પ નંબર ટાઇપ થાય તેવી સવલત કરેલ છે.
- ઇ-સ્ટેમ્પમાં દર્શાવવામાં આવતી તમામ વિગતો નીચે મુજબ છે.
No comments:
Post a Comment